તું પીંગળાની પ્રીત.!હું ભરથરીનો ભેખ..!

હું પવનની લહેર..!
તુ સુમનની મહેંક..!
જો કેવા ફેલાયા ઠેરઠેર ..!
આપણે બેઉં જુદા જુદા
તોયે એકના એક …….!

તું પીંગળાની પ્રીત.!
હું ભરથરીનો ભેખ..!
જો કેવા લખાયા લેખ…!
આપણે બેઉં જુદા જુદા
તોયે એકના એક……!

****************

ચાલ અધુરા સ્વપ્ન સાકાર કરીએ,
આપણે એકબીજાના છીએ પુરવાર કરીએ.

પ્રગટાવો આપ હ્રદયમા શ્રધ્ધાના દીપને,
અમે વફાની સીમાને પાર કરીએ.

જવાનું છે આમ તો સાવ એકલા સફરમાં ,
આપણી સાથ સાથ અવરનોય વિચાર કરીએ.

હાલ તો પુરતું છે ” હું એને ચાહું છું”,
મળે એ તો વાત કંઈ વિગતવાર કરીએ.

છે અર્થનો અવકાશ ના મિલનની આશ છે,
લખીએ ગઝલને જિંદગાની પસાર કરીએ.

પુછો ના કશું “નારાજ”ને નીલુંની બાબતમાં
અમારી ફરજ છે અમે જીવન નિસાર કરીએ.

****************

મારી જિંદગીની કાલ જો આજ થઈ જાયે,
હ્રદયના દર્દનો અકસીર ઈલાજ થઈ જાયે.
આ જિંદગીની મહેફીલ ફરી મહેંકી ઉઠે ,
મારી ગઝલોને જો “નીલું”નો અવાજ મળી જાયે.

 **************

કહી દો કોયલને આ વસંતે !
ટહુકે ના એ આમ્રકુંજે !
નીલું ગાશે મારી ગઝલો
એના ભીના મધુર કંઠે!
મઘમઘ ખીલેલા રંગ ફુલ કેસુડે !
જાણે કરી અજાણે ભુલ નીલુંએ  !

ખોટ નહીં સાલે હવે ચાંદાની
આ આષાઢી મેઘલી રાતે…
નીલું મારી વાટ નીરખે છે!..
ઉભી ઝરુખે ભીની આંખે !….

*********************
હું શાયર ……!
તું સાયર…….!
તું ખારો …….!
હું પણ નથી સારો..!
તારા કિસ્મતમાં તોયે કિનારો…!
મુજ વેદનાનો નથી આરો …..!
તું સરિતાનો સહારો ……….!
હુ છું ખરતો તારો…………!
ભેદ આટલો
મારો - તારો !…..