રુપ છે તમારું કે ચાંદની રાતોનો તાગ છે,

રુપ છે તમારું કે ચાંદની રાતોનો તાગ છે,
નયન છે તમારા કે કોઇ જાદુઈ ચરાગ છે.

ભીનું સંકેલી તો લીધુ સખી તમે હદયની વાતમાં
બુઝાશે ના આખો જનમારો આ સાગરની આગ છે.

જકડીને રાખ્યો છે મને લાગણીઓના પાશથી
ડંખે છે પળ પળ એ સુંવાળા સબંધોના નાગ છે.

મક્કાને   મદીના   વળી   કાશી  ને  મથુરા,
ખુદાના ધામ છે બધા કે માણસાઈના ભાગ છે.

જગત આખુયે ચાલે છે જે કોઈ ધારણા પર,
મારી ધારણા પણ કોઈ એવી ધારણાનો ભાગ છે.

નથી નાસમજ એટલા કે ના સમજે વાતમાં ,
“નારાજ” નામ છે કોનુ એ કોના જીવતરનો ભાગ છે.