સમયને હતું જે મંજુર અમે ટાળી શક્યા નથી.

અજંપો અંતઃકરણનો અમે ખાળી શકયા નથી.
લાગણીને છંદ મહીં  અમે ઢાળી શક્યા નથી.

એ પુરાવા માગી રહ્યા છે  અમારી મહોબતના
અમે  ચાહત બદલે ચાહત માગી શક્યા નથી.
કોણે કહ્યું  દીધા વચન  નિભાવ્યા નથી અમે?
સમયને હતું જે મંજુર અમે ટાળી શક્યા નથી.
કહી દો સુરજને આજ કોઈ કે  રાજહઠ છોડી  દે
ધરાની ગરિમા દેવ કોઈ ઓગાળી શક્યા નથી.
ઓ દોસ્તો હળાહળ મેં એવુંજ તો ઝેર પીધું છે
કંઠ નીચે જે શંભુ ભોળા ઉતારી શક્યા નથી.

.
“નારાજ” આમઆદમી છે એ વાત સાચી ઠરી
એ  જાતને નીલકંઠ રુપે સ્થાપી શક્યા નથી.