ખોફ આજ તો ખાખીનો ચઢ્યો છે

ગાગરમાં   સાગર    લખું
ગામ તણું  પાદર    લખું

બોલ  તું  કેમ  છે  એટલું?
યાદ કરું  ને  સાદર લખું

જિંદગીનો  અર્થ  પુછો તો
શ્વાસની અવર જવર લખું

ઓણ સાલનું  ચોમાસું બેઠુ
મુજ આંખમાં તરબતર લખું

તું  કમળ  ખીલતું  છે  તો
મુજ નેણમાં છે સરવર લખું
તે લખ્યા બહુ લેખ વિધાત્રી
હું   આજે  તુજ મુકદર લખું.
રસ્તે રઝળતી નગ્નતાને શું કહું?
ખેવના પ્રભુની   દિગંબર લખું

ઈશ્વર વિશે એક હરફના કહેવાય
પથ્થર પથ્થર બસ પથ્થર લખું

ખોફ આજ તો ખાખીનો ચઢ્યો છે
એક કવિનું  એન્કાઉન્ટર લખું

“નારાજ” થી “નીલું’નું   અંતર
બે ઈંટ વચ્ચે જેમ ચણતર લખું.