મૌન રહેવામાં માન છે સન્માન છે

મૌન રહેવામાં માન છે સન્માન છે

આપણી વાત કોઈને ગમે ના ગમે

દેવ ડુંગરે કદાચ એટલે ગયા હશે

એમની ચંચૂપાત કોઈને ગમે ના ગમે

ઉગીને સુરજ કેમ આથમે છે ના પુછો

ફુલોની બારાત કોઈને ગમે ના ગમે

રહી જુદા દુનિયાને ભેટ અનોખી આપીએ

સહિયારી સોગાત કોઈને ગમે ના ગમે

હરરોજ વાટ નીરખું છું સંધ્યાને બારણે

મળવા દિનરાત કોઈને ગમે ના ગમે

“નારાજ” આ સંસારે સાધુ નથી થાવું

જોગીની જમાત કોઈને ગમે ના ગમે