ગામની એક છોરીને વર્ષ થયા સત્તર

ગામની એક છોરીને વર્ષ  થયા  સત્તર

ગામ ઓટલાના એ કારણે ઘસાઈ ગયા પથ્થર.

        ગામની એક છોરીને વર્ષ થયા સત્તર……….

 

થોડી કાળી થોડી ધોળી

કોણે  રુપના દરિયે ઝબોળી

આમ લાગે બાળી ભોળી

ને  કરે છે જાદુ જંતર ……..

ગામ ઓટલાના એ કારણે ઘસાઈ ગયા પથ્થર.

ગામની એક છોરીને વર્ષ  થયા  સત્તર

 

એણે હળવેથી વાળ જ્યાં ખંખેર્યા

કે થઈ ગઈ હવા અત્તર

વાતાવરણમાં ગુંજી ઉઠ્યા

પ્રેમના મૂંગા મંતર …..

ગામ ઓટલાના એ કારણે ઘસાઈ ગયા પથ્થર.

ગામની એક છોરીને વર્ષ  થયા  સત્તર

કોઈ કહે છે ચાંદ કોઈ કહે છે પરી

કોઈ કહે ફુલ છે કોઈ કહે ફુલઝડી

ગામના છોરા કંઈ સમજે એ પહેલાં

ભુલી ગયા ભણતર …….

ગામ ઓટલાના એ કારણે ઘસાઈ ગયા પથ્થર.

ગામની એક છોરીને વર્ષ  થયા  સત્તર

  

ચાલ અડોઅડ બેસીએ ભીની રેતમાં

ચાલ  અડોઅડ બેસીએ ભીની રેતમાં

શ્વાસ બે- ચાર ભરીએ  ભીની રેતમાં

      ફરી ઘર ઘર રમીએ ભીની રેતમાં…..ચાલ અડોઅડ

ગામ ગલી પાદર ખેતર

પાંખ ફફડાવતા ગભરુ તેતર

          સઘળુ ચિતરીએ ભીની રેતમાં …ચાલ અડોઅડ

મારા તારા અધુરા સપનાની વાતો

ધારણાથી પર કરેલ ધારણાની વાતો

            થોડુ ઓર ભીંજાઈએ ભીની રેતમાં…ચાલ અડોઅડ

લાલી તારી લઈને સુરજ ડુબે એ પહેલાં

 વ્યાકુળ હૈયાની ધીરજ ખૂટે એ પહેલાં        

                        ઉના શ્વાસ ભરીએ ભીની રેતમાં ..ચાલ અડોઅડ

મન ફાવે તેમ ધૂણે છે ડાળીઓ

ફુલોના ભારથી ઝૂકે છે ડાળીઓ

ઝુલે છે કિંતુ ના તૂટે છે ડાળીઓ

   

હું ઈચ્છાને કેમ કરી ટાળું કહો

ડાળી પર રોજ ફૂટે છે ડાળીઓ  

 પાનખરમાં ખરતા પાન જોઈને

  શું વાત છે  કે ફૂલે છે ડાળીઓ ?

 હલબલી જાશે મૂળ તો શું થાશે?

 મૂળ વાત કેમ ભૂલે છે ડાળીઓ

    

“નારાજ “ પાઘડીનું ભાન નથીને

મન ફાવે તેમ ધૂણે છે ડાળીઓ

અર્પણ શહીદ પોલીસ કોંન્સ્ટેબલ વિજયસિંહ યાદવને

પિતાનો કુળદીપક બુઝાઈ ગયો

કુળદીપકની આંખના આંસુમાં

 ડુબી ગયો ભાઈબીજ પહેલાં

 બીજનો ચાંદલો

કોઈના ભાલેથી ઉઝડી ગયો કુમકુમ ચાંદલો

દિવાળીનો દીપક શ્રધ્ધાદીપમાં ફેરવાઈ ગયો .

ગાર્ડ ઓફ ઓનરની સલામીની

ગોળીઓનો અવાજ

આપની અર્ધાગિનીના

કાળજાને કેવો કોરી ગ્યો હશે.

શાંતિદૂત સમા પારેવા ફફડી આકાશે ઉડી ગયા હશે…

મોતનો મલાજો મીઠાઈ બોક્ષમાં બંધ થઈપાછલા બારણે વહેચાઈ ગયો હશે……….અને………..??????????કદાચ……..

. કાલે ,………..પોલીસ એન્કાઉંન્ટરમાં ………….

ઠાર મરાયેલા આરોપીના બચાવમાં

કોઈ માનવ અધિકારી મેદાનમાં આવી ગયો હશે……???